ბათუმში, მემედ აბაშიძის ქუჩის №50-ში, სადაც სამშენებლო კომპანია „ორბის“ ოფისია განთავსებული, სარემონტო სამუშაოები უნებართვოდ მიმდინარეობდა. „აჭარა თაიმსმა“ ადგილზე გადაიღო ფაქტის დამადასტურებელი ფოტოები, რის შემდეგაც აჭარის კულტურული მემკვიდრეობის დაცვის სააგენტომ პროცესი შეაჩერა.
სამუშაოები ხორციელდებოდა XX საუკუნის დასაწყისში აგებულ ორსართულიან შენობაში. შიდა ინტერიერის პარალელურად, რესტავრაცია ეხებოდა ფასადსაც. ქალაქის ცენტრალურ ნაწილში მიმდინარე უნებართვო სამუშაოები მაკონტროლებელ სტრუქტურებს მანამდე შეუმჩნეველი დარჩა, ვიდრე ამ საკითხით „აჭარა თაიმსი“ არ დაინტერესდა.
სააგენტოში განგვიცხადეს, რომ სამუშაოები ჩვენი მიმართვის შემდეგ შეაჩერეს და მესაკუთრეს გაფრთხილების წერილი გაეგზავნა.
„ბათუმში, მ. აბაშიძის ქუჩა N50-ში მდებარე შენობაზე სააგენტოს მონიტორინგის ჯგუფის შედეგად გამოვლინდა უნებართვო სამუშაოები. მესაკუთრესთან გაიგზავნა გაფრთხილების წერილი და დაევალა სამუშაოების შეჩერება შესაბამისი ნებართვის მიღებამდე. გაფრთხილების პირობების შეუსრულებლობის ან არასათანადოდ შესრულების შემთხვევაში დაეკისრება ჯარიმა,“ – მოგვწერეს სააგენტოდან.
სააგენტოში არ აკონკრეტებენ, გაფრთხილება შენობის მესაკუთრის სახელზე გაიგზავნა თუ სამშენებლო კომპანია „ორბის“ წარმომადგენელზე.
ინფორმაციისთვის: საჯარო ცნობების თანახმად, XX საუკუნის დასაწყისში აგებული ორსართულიანი შენობა გასაქირავებელ სახლს წარმოადგენდა და
