საქართველოს საკანონმდებლო მაცნეზე საგზაო უსაფრთხოების 2026-2030 წლების ეროვნული სტრატეგია გამოქვეყნდა, რომელიც ახალბედა მძღოლებისთვის სპეციალური გამოსაცდელი პერიოდის შემოღებას ითვალისწინებს.
სტრატეგიის მიხედვით, აღნიშნული პერიოდის განმავლობაში ახალბედა მძღოლების მიერ საგზაო მოძრაობის წესების დარღვევებზე უფრო მკაცრი და დიფერენცირებული სამართლებრივი რეაგირების მექანიზმები ამოქმედდება. კერძოდ, საუბარია ფინანსური სანქციების გამკაცრებასა და მართვის მოწმობის ქულების გაზრდილი რაოდენობით ჩამოკლებაზე.
„გამომდინარე იქიდან, რომ საქართველოში ახალბედა მძღოლები საგზაო უსაფრთხოების თვალსაზრისით მაღალი რისკის მქონე ჯგუფს წარმოადგენენ, იგეგმება მათთვის სპეციალური გამოსაცდელი პერიოდის დანერგვა“, – ნათქვამია სტრატეგიაში.
დოკუმენტის მიხედვით, ცვლილებების მიზანია დამწყები მძღოლების ქცევის კორექტირება, პასუხისმგებლობის მაღალი სტანდარტის ჩამოყალიბება და მათი მონაწილეობით საგზაო-სატრანსპორტო შემთხვევების პრევენცია. სტრატეგია 2026-2030 წლების განმავლობაში საგზაო უსაფრთხოების მიმართულებით განსახორციელებელ ღონისძიებებს განსაზღვრავს.
ბათუმში მძღოლობის კანდიდატი გამომცდელს ქრთამს სთავაზობდა -პროკურატურა
მართვის მოწმობის გამოცდებზე ახალი წესები ამოქმედდა – ბათუმსა და გორში მარშრუტებიც შეიცვალა
