შინაგან საქმეთა სამინისტროს მომსახურების სააგენტომ სატრანსპორტო საშუალების მართვის უფლების მისაღები თეორიული და პრაქტიკული გამოცდების მიმართულებით რამდენიმე მნიშვნელოვანი ცვლილება განახორციელა.
უწყების ინფორმაციით, B კატეგორიის მართვის უფლების მისაღებ თეორიულ გამოცდაზე კანდიდატებს 3-ის ნაცვლად 5 შეცდომის დაშვების უფლება ექნებათ. შესაბამისად, გამოცდაზე წარმოდგენილი 30 შეკითხვიდან წარმატებისთვის 25 სწორი პასუხის დაფიქსირება იქნება საჭირო.
ცვლილებები შეეხო პრაქტიკული გამოცდის პროცესსაც. კერძოდ, პრაქტიკული გამოცდის პირველი ეტაპის, მოედნის, წარმატებით ჩაბარების შემდეგ, კანდიდატებს შესაძლებლობა ექნებათ, მეორე ეტაპზე გასვლის სასურველი დრო მომსახურების სააგენტოს სტრუქტურულ ერთეულში წინასწარი ლოდინის გარეშე დაჯავშნონ.
ამასთან, გამოცდის პროცესის გაუმჯობესების მიზნით, ბათუმისა და გორიში საგამოცდო მარშრუტები შეიცვალა.
კიდევ ერთი ცვლილება ძალაში მიმდინარე წლის 15 ივნისიდან შევა. არსებული წესის მიხედვით, B კატეგორიის პრაქტიკული გამოცდის მეორე ეტაპზე მე-12 მსუბუქი შეცდომა ავტომატურად გამოცდის შეწყვეტას ნიშნავს. ახალი რეგულაციით კი კანდიდატს 14 მსუბუქი შეცდომის დაშვების უფლება ექნება, ხოლო მე-15 შეცდომა გამოცდის შეწყვეტის საფუძველი გახდება.
ბათუმში მართვის მოწმობის გამოცდის მარშრუტები შეიცვალა
საქართველოში საერთაშორისო მართვის მოწმობების გაცემა დაიწყო
