ხელვაჩაურის მუნიციპალიტეტში, კირნათის ადმინისტრაციულ ერთეულში შემავალ შვიდ სოფელში მოსახლეობას ბუნებრივი აირი არ მიეწოდება. ადგილობრივებისთვის ეს ყოველდღიურ ცხოვრებაში დამატებით სირთულეებსა და ხარჯებს ქმნის.
სოფლებში მცხოვრები ათეულობით ოჯახი გათბობისა და საყოფაცხოვრებო საჭიროებებისთვის კვლავ შეშაზეა დამოკიდებული. მათი თქმით, შეშის შეძენა მნიშვნელოვან ფინანსურ ხარჯებთან არის დაკავშირებული.
მოსახლეობას გაზქურისთვის საჭირო გაზის ბალონების შევსებაც ქალაქში უწევს, რაც, მათი თქმით, დამატებით ხარჯებთან და გადაადგილების პრობლემებთან არის დაკავშირებული.
ადგილობრივების განცხადებით, გაზიფიცირების შესახებ დაპირებებს ისინი განსაკუთრებით წინასაარჩევნო პერიოდში ხშირად ისმენენ, თუმცა არჩევნების დასრულების შემდეგ საკითხი დღის წესრიგიდან ქრება.
მოსახლეობისთვის ამ ეტაპზე უცნობია, კონკრეტულად როდის დაიწყება კირნათის ადმინისტრაციულ ერთეულში შემავალი სოფლების გაზიფიცირება. ადგილობრივები ხელისუფლებისგან კონკრეტულ ვადებსა და პრობლემის მოგვარებას ითხოვენ.
დაკავშირებული თემები🔻
ბუნებრივი აირი არჩევნების წინა დღით
აჭარის სოფლები ბუნებრივი აირის გარეშე – თორნიკე რიჟვაძის დაპირება რომელიც არ შესრულდა
რატომაა ქობულეთის სოფლები დღემდე ბუნებრივი აირის გარეშე – ოპოზიცია ხელისუფლებას მიმართავს
