შინაგან საქმეთა სამინისტროს ინფორმაციით, ძალადობის, ნარკოტიკული საშუალების უკანონო შეძენა-შენახვის, რეალიზაციის ხელშეწყობისა და ნარკოტიკული საშუალების შემცველი მცენარის უკანონო კულტივირების ბრალდებით, უცხო ქვეყნის მოქალაქე – 1982 წელს დაბადებული ი.კ. დააკავეს.
გამოძიების მიხედვით, ბრალდებულმა ბათუმში, ურთიერთშელაპარაკების ნიადაგზე, ფიზიკური შეურაცხყოფა მიაყენა 1987 წელს დაბადებულ დ.გ.-ს.
ჩატარებული საგამოძიებო მოქმედებების შედეგად ი.კ. ბრალდებულის სახით დააკავეს. მისი საცხოვრებელი ბინის ჩხრეკისას ამოღებულია ნარკოტიკული საშუალება „მარიხუანა“ და მცენარე „კანაფი“. პოლიციამ ასევე ნივთმტკიცებად ამოიღო ნარკოტიკული საშუალებების დაფასოებისთვის საჭირო მასალები.
გამოძიება საქართველოს სისხლის სამართლის კოდექსის 126-ე, 260-ე, 260-ე კვარტა და 265-ე პრიმა მუხლებით მიმდინარეობს. აღნიშნული დანაშაულები 12 წლამდე ვადით თავისუფლების აღკვეთას ითვალისწინებს.
