საქართველოს მართლმადიდებელმა ეკლესიამ ახალი კათოლიკოს-პატრიარქი აირჩია. ქვეყნის 142-ე კათოლიკოს-პატრიარქი საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო მუჯირი გახდა.
გაფართოებულ საეკლესიო კრებაზე ჩატარებული კენჭისყრის შედეგად მეუფე შიომ 22 ხმა მიიღო.
პატრიარქობის სხვა კანდიდატებიდან ურბნისისა და რუისის ეპარქიის მიტროპოლიტმა იობ აქიაშვილი 9 ხმა მიიღო, ხოლო ფოთისა და ხობის მიტროპოლიტმა გრიგოლ ბერბიჭაშვილი – 7 ხმა. ერთი ბიულეტენი გაუქმდა.
კენჭისყრის შედეგები ქიროტონიით უპირატესმა ეპისკოპოსმა ანანია ჯაფარიძე გამოაცხადა. მისი განცხადებით, „ხმის დამთვლელმა კომისიამ იმუშავა პატიოსნებისა და კონფიდენციალურობის სრული დაცვით, გამჭვირვალედ“.
ახალი პატრიარქის არჩევის საკითხი დღის წესრიგში მას შემდეგ დადგა, რაც სრულიად საქართველოს კათოლიკოს-პატრიარქი ილია II 2026 წლის 17 მარტს, 93 წლის ასაკში გარდაიცვალა.
