ბათუმში, ბაგრატიონის ქუჩაზე მდებარე მრავალსართულიანი საცხოვრებელი კორპუსის 19-ე სართულზე გაჩენილი ხანძარი ლიკვიდირებულია.
შემთხვევის შედეგად არავინ დაშავებულა. ამ ეტაპზე უცნობია, რამ გამოიწვია ხანძარი.
მაღალი სართულის გამო სახანძრო-სამაშველო ტექნიკის კიბის სიგრძე საკმარისი არ აღმოჩნდა, რის გამოც მეხანძრე-მაშველებმა ბინამდე მისვლა და ცეცხლის ლოკალიზება შიდა წვდომით შეძლეს.
კორპუსში მცხოვრებლების თქმით, ხანძრის ჩაქრობის პროცესი გარკვეული დროით გაჭიანურდა, რადგან შესაბამისი სიმაღლის კიბის გამოყენება ვერ მოხერხდა.
