18 ნოემბერს, ბათუმში, უმაღლესი საარჩევნო კომისიის შენობასთან აქცია გაიმართება. სხვადასხვა პარტია თავის ამომრჩეველს უსკოს შენობასთან 11 საათიდან ეპატიჟება. შეკრებილები უმაღლესი საბჭოს არჩევნების შედეგების შემაჯამებელი ოქმის გამოცემას გააპროტესტებენ.
უსკო შემაჯამებელი ოქმის გამოქვეყნებას ხვალ, 12 საათზე ჩანიშნულ სხდომაზე აპირებს.
ინფორმაციისთვის: აჭარის უმაღლესი საარჩევნო კომისიის წინასწარი შედეგებით, უმაღლეს საბჭოში პარტიების მანდატები შემდეგნაირად გადანაწილდა: N4-კოალიცია „ცვლილებისთვის – გვარამია მელია გირჩი დროა“ -1 მანდატი, N5- „ერთიანობა ნაციონალური მოძრაობა“ – 3 მანდატი, N9-„ძლიერი საქართველო“ –„ლელო ხალხისთვის“, „თავისუფლებისთვის“ – 1 მანდატი, N-25 –„გახარია საქართველოსთვის“ – 1 მანდატი, N 41-,,ქართული ოცნება’’- 12 მანდატი.
3 გაუნაწილებელ მანდატს თანმიმდევრობით მიიღებენ უკეთესი შედეგის მქონე პოლიტიკური პარტიები.
