9 მაისს, ბათუმში ევროპული მარში გაიმართება, რომელსაც ორგანიზებას სტუდენტები გაუწევენ. მათი თქმით, ისინი 19 საათზე, სახელმწიფო უნივერსიტეტის ეზოში შეიკრიბებიან, მოგვიანებით კი ბათუმის ქუჩებში მსვლელობა დაიწყება.
კი ევროპას, არა რუსულ კანონს – მსვლელობის ფარგლებში დაგეგმილია სიტყვით გამოსვლები და მოწოდებები. სტუდენტები ბოლო ორი კვირაა, რაც პერმანენტულ აქციებს მართავენ.
ცნობისთვის: პროტესტს ლექტორ-მასწავლებელთა უმრავლესობა არ უერთდება, რაზეც ახალგაზრდები უკმაყოფილებას გამოთქვამენ.
ინფორმაციისთვის: დღეს, ქვეყნის სხვადასხვა ქალაქში პროევროპული აქცია გაიმართება, მათ შორის ქობულეთის მუნიციპალიტეტშიც. აქციის ორგანიზატორების თქმით, ისინი მუნიციპალიტეტის მერიის წინ 18 საათზე შეიკრიბებიან.
აქვე დაგაინტერესებთ: ცოცხალი ჯაჭვი ნურიგელის ირგვლივ – ბათუმში მორიგი პროევროპული აქცია დაიგეგმა
