ადამიანის უფლებათა ევროპულმა სასამართლომ დაადგინა, რომ 2019 წლის 20 ივნისის მოვლენების დროს, ე.წ. „გავრილოვის ღამეს“, საქართველოს ხელისუფლებამ დაარღვია ევროპული კონვენციის რამდენიმე მუხლი. სასამართლოს გადაწყვეტილება ეხება 26 მოქალაქის საჩივარს.
სასამართლომ დაადგინა, რომ 24 პირის მიმართ, რომლებმაც საჩივარი წამების აკრძალვის მუხლით (მუხლი 3) შეიტანეს, დარღვევა დადგინდა. შესაბამისად, საქართველომ აღნიშნულ მოქალაქეებს ჯამში 646 000 ევროს კომპენსაცია უნდა გადაუხადოს.
პრეს-რელიზის მიხედვით, მე-10 მუხლის ფარგლებში დარღვევები დაფიქსირდა პოლიციის მხრიდან ჟურნალისტების წინააღმდეგ, სადაც გამოყენებული იყო ძალა არაპროპორციული და გაუმართლებელი.
ასევე, მე-11 მუხლის ფარგლებში, 11 განმცხადებლის მიმართ აქციის დაშლის დროს პოლიციის მიერ გამოყენებული ძალა დაემთხვა არასათანადო და არაპროპორციულ მოქმედებას.
