დაბა მახინჯაურის საჯარო სკოლის ახალი დამატებითი შენობა აშენდება, რისთვისაც ელექტრონული ტენდერი გამოცხადდა. აჭარის განათლების სამინისტროში განმარტავენ, რომ აშენდება სამსართულიანი შენობა 400 მოსწავლეზე, რომელშიც განთავსდება:
- 15 საკლასო ოთახი
- სპორტდარბაზი
პროექტის თანახმად, შენობა იქნება სრულად ადაპტირებული, მოეწყობა პანდუსები, ლიფტი და ადაპტირებული სველი წერტილები. განხორციელდება არსებული სპორტდარბაზის შენობის დემონტაჟი, რომელიც რეაბილიტაცია-გამაგრებას აღარ ექვემდებარება.
“შენობა სრულად აღიჭურვება საჭირო ინვენტარით. პროექტის ღირებულება 2 635 873 ლარია. სასწავლო პროცესის უწყვეტად და შეუფერხებლად წარმართვის მიზნით, მშენებლობის დასრულების შემდეგ დაიწყება არსებული შენობის სრული რეაბილიტაცია და ტერიტორიის კეთილმოწყობა,” – აცხადებენ განათლების სამინისტროში.
