23 თებერვალს ბათუმში ბუნებრივი გაზის მიწოდება დროებით შეწყდება – ინფორმაციას „სოკა ჯორჯია გაზი აჭარა“ ავრცელებს. კომპანიის განმარტებით, აირის მიწოდების შეწყვეტის მიზეზი საგზაო სამუშაოების დროს დაფიქსირებული ავარიული დაზიანებაა.
ბუნებრივი აირი არ მიეწოდება 4028 აბონენტს, რომლებიც ცხოვრობენ 26 მაისის, მემედ აბაშიძის, ვაჟა-ფშაველას, კოტე მარჯანიშვილის, დავით კლდიაშვილის, რუსთაველისა და ნინოშვილის ქუჩებზე. კომპანიის ცნობით, გაზის მიწოდების აღდგენა ეტაპობრივად დაიწყება 23 თებერვალს, 13:00 საათიდან და დღის ბოლომდე დასრულდება.
„სოკარი“ აბონენტებს მოუწოდებს, უსაფრთხოების მიზნით, გაზის ონკანები დაკეტილ მდგომარეობაში იქონიონ.
