ქობულეთს, ბათუმსა და ხელვაჩაურს ბუნებრივი აირის მიწოდება შეუწყდა. „სოკარ ჯორჯია გაზის“ ინფორმაციით, შეფერხება ცენტრალური მაგისტრალის დაზიანებამ გამოიწვია.
კომპანიაში განმარტავენ, გაზსადენი სოფელ ცეცხლაურთან დაზიანდა, სადაც ამჟამად უკვე მობილიზებულია ტექნიკური ჯგუფი. აღდგენითი სამუშაოები მიმდინარეობს და პროცესის დასრულებას ხვალ დილიდან ვარაუდობენ.
