შინაგან საქმეთა სამინისტროს ინფორმაციით, თურქეთის რესპუბლიკის მოქალაქე, 1998 წელს დაბადებული დ.შ., განზრახ მკვლელობის მცდელობის ბრალდებით დააკავეს.
გამოძიების მონაცემებით, შემთხვევა ბათუმში მოხდა, სადაც ბრალდებულმა ასევე თურქეთის მოქალაქე, 1981 წელს დაბადებული ა.ფ., ცივი იარაღის გამოყენებით დაჭრა. დაშავებული მამაკაცი სასწრაფოდ გადაიყვანეს კლინიკაში, სადაც მას შესაბამისი სამედიცინო დახმარება ჩაუტარდა.
პოლიციამ ბრალდებული შემთხვევიდან მალევე დააკავა. დანაშაულის ჩადენის იარაღი დანა ნივთმტკიცებად ამოიღეს.
გამოძიება მიმდინარეობს საქართველოს სისხლის სამართლის კოდექსის 19-108-ე მუხლით, რაც განზრახ მკვლელობის მცდელობას გულისხმობს და 15 წლამდე ვადით თავისუფლების აღკვეთას ითვალისწინებს.
