გარემოს ეროვნული სააგენტო 15-17 აპრილს საქართველოში მოსალოდნელი ამინდის შესახებ პროგნოზს ავრცელებს. მეტეოროლოგების ინფორმაციით, უახლოეს დღეებში ქვეყნის მასშტაბით შედარებით თბილი და უმეტესად უნალექო ამინდია მოსალოდნელი.
დედაქალაქ თბილისში სამივე დღის განმავლობაში უნალექო ამინდია პროგნოზირებული, ჰაერის ტემპერატურა კი დღის საათებში +16-დან +18 გრადუსამდე მიაღწევს.
ბათუმი, ქობულეთი, ანაკლია და ფოთი – ასევე უმეტესად უნალექო ამინდი შენარჩუნდება, ხოლო ტემპერატურა +20, +22 გრადუსის ფარგლებში იქნება.
ქუთაისი, ზუგდიდი და ოზურგეთი, ჰაერის ტემპერატურა დღისით +21-დან +23 გრადუსამდე გაიზრდება და ამინდიც უნალექო იქნება.
ამბროლაური, ონი, საჩხერე და ხულო – თბილი და მშრალი ამინდია მოსალოდნელი, ჰაერის ტემპერატურა კი +18, +20 გრადუსამდე მიაღწევს. მაღალმთიან რეგიონებში, მათ შორის მესტია და ბახმარო, ტემპერატურა შედარებით დაბალი იქნება და +13, +15 გრადუსის ფარგლებში დაფიქსირდება.
რუსთავი, გორი, თელავი და სიღნაღი, უნალექო ამინდია მოსალოდნელი. ტემპერატურა დღის საათებში +17, +19 გრადუსის ფარგლებში იქნება.
ბორჯომი, დუშეთი და ფასანაური – აქაც უნალექო ამინდია პროგნოზირებული, ხოლო ტემპერატურა +15, +17 გრადუსს მიაღწევს.
მეტეოროლოგების შეფასებით, ამინდის ასეთი სტაბილური და თბილი ფონი ქვეყნის მასშტაბით რამდენიმე დღის განმავლობაში შენარჩუნდება.
