ფოტო: რ/კ „ბათუმი“
„რაგბის კლუბი ბათუმი“ 2026 წლის საქართველოს „დიდი 10-ის“ ჩემპიონია. „ბათუმელებმა“ ფინალში „ქუთაისის არესი“ დიდი ანგარიშით – 38:6 დაამარცხეს და ზედიზედ მეორედ დაეუფლნენ ოქროს მედლებს.
აღსანიშნავია, რომ „ბათუმი“ საქართველოს ჩემპიონი ისტორიაში მეექვსედ გახდა.
რკ „ბათუმის“ მხრიდან ორი ლელო გაბელიასა და მარგალიტაძის ანგარიშზეა, ასევე თითო ლელო ვილიამსმა და ნინიძემ გაიტანეს.
სამ-სამი გარდასახვა წარმატებით შეასრულეს ნოზაძემ და მიქაძემ. როგორც ცნობილია, „დიდი 10-ის“ ფინალი ბათუმში, „აჭარაბეთ არენაზე“ გაიმართა.
ავტორი: დიმიტრი გორგილაძე
