გაზრდილი მგზავრთნაკადის გამო, „საქართველოს რკინიგზა“ თბილისი-ბათუმი-თბილისის მიმართულებით დამატებით რეისებს ამატებს. ახალი განრიგი 16 ივნისიდან ამოქმედდება.
„საქართველოს რკინიგზის“ ინფორმაციით, დამატებითი რეისები 30 სექტემბრის ჩათვლით შესრულდება. თბილისის მიმართულებიდან მატარებელი 00:30 საათზე გავა და ბათუმში 05:42 საათზე ჩავა. ბათუმიდან კი რეისი 00:35 საათზე შესრულდება და თბილისში 05:34 საათზე იქნება.
ამასთან, კომპანიაში აცხადებენ, რომ 16 ივნისიდან 9 ოქტომბრის ჩათვლით მატარებლები იმოძრავებს შემდეგი განრიგით:
- თბილისიდან ბათუმის მიმართულებით – 10:10 საათზე;
- ბათუმიდან თბილისის მიმართულებით – 18:30 საათზე.
