შინაგან საქმეთა სამინისტროს ინფორმაციით, ბათუმში როლანდ დავითაძის მკვლელობის საქმეზე ერთი პირი დააკავეს.
უწყების ცნობით, დაკავებულს ბრალად ედება განზრახ მკვლელობა და ცეცხლსასროლი იარაღის უკანონო შეძენა-შენახვა-ტარება.
გამოძიების ინფორმაციით, მიმდინარე წლის 31 მაისს ბრალდებულმა ბათუმში ნაცნობ კაცს ცეცხლსასროლი იარაღიდან გასროლით მრავლობითი ჭრილობა მიაყენა და შემთხვევის ადგილიდან მიიმალა.
დაჭრილი კაცი სამედიცინო დაწესებულებაში გადაყვანამდე გარდაიცვალა.
შსს ცნობით, ჩატარებული საგამოძიებო მოქმედებების შედეგად ბრალდებული მოსამართლის განჩინების საფუძველზე დააკავეს.
საქმეზე გამოძიება საქართველოს სისხლის სამართლის კოდექსის 108-ე და 236-ე მუხლებით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.
ბათუმში დაჭრილი კაცი კლინიკაში გარდაიცვალა
