ბათუმიდან ხელვაჩაურისკენ მიმავალ გზაზე ასეთ სურათს შეხვდებით. ევკალიპტებს ხშირად ტოტებს აჭრიან ან სიმაღლეში ამოკლებენ, რაც მათი გახმობის მიზეზი ხდება.
ჯანსაღი ხეების განადგურებისთვის სხვადასხვა მეთოდს მიმართავენ, მათ შორის, ფესვების დაბეტონებას.
ერთ დროს ხელვაჩაურისკენ მიმავალი გზა ევკალიპტების სიუხვით გამოირჩეოდა და ტერიტორიის ბუნებრივი გარემოს მნიშვნელოვან ნაწილს წარმოადგენდა, თუმცა დღეს ეს უნიკალური ბუნება თანდათან ქრება.
აღსანიშნავია, რომ იშვიათია შემთხვევა, როცა მოქალაქეები გამწვანების განადგურებას ეწინააღმდეგებიან.
ხელვაჩაურის დიდი ნაწილი სამრეწველო ზონას წარმოადგენს, ხოლო მოჭრილი ევკალიპტების ადგილას ხშირად კომერციული საქმიანობა ვითარდება.
