მთავრობის თავმჯდომარემ აჭარის საარქივო სამმართველოს თანამშრომლებს უწყების ახალი ხელმძღვანელი და მისი მოადგილე წარუდგინა. ამის შესახებ ადმინისტრაცია იტყობინება.
სამმართველოს ხელმძღვანელის თანამდებობაზე ბესიკ ბაუჩაძე დაინიშნა, ხოლო ხელმძღვანელის მოადგილედ ასლან ლორთქიფანიძე.
პრესრელიზის თანახმად, შეხვედრაზე მთავრობის თავმჯდომარემ საარქივო მიმართულების მნიშვნელობაზე ისაუბრა და თანამშრომლებს მრავალწლიანი საქმიანობისა და პროფესიონალიზმისთვის მადლობა გადაუხადა.
ზურაბ პატარაძის განცხადებით, თანამედროვე პირობებში განსაკუთრებული მნიშვნელობა ენიჭება დოკუმენტების გაციფრულებას და ამ მიმართულებით საარქივო სამსახური აქტიურად მუშაობს. მისივე თქმით, ერთ-ერთ მთავარ პრიორიტეტად რჩება სერვისების გაუმჯობესება, რათა მოქალაქეებმა საჭირო ინფორმაცია და მომსახურება უფრო სწრაფად და ეფექტიანად მიიღონ.
დაკავშირებული თემები🔻
აჭარის საარქივო სამმართველოს უფროსი, მაკა ივანიშვილი გაათავისუფლეს
„ქართულმა ოცნებამ“ ტროლად ცნობილ ასლან ლორთქიფანიძეს დეპუტატის მანდატი არ ანდო
