„ქართული ოცნების“ გულმხურვალე მხარდამჭერ და საზოგადოებაში სამთავრობო ტროლად მიჩნეულ ასლან ლორთქიფანიძეს აჭარის უმაღლესი საბჭოს დეპუტატის მანდატი არ ერგო.
დავით გაბაიძის მიერ წარმომადგენლობითი ორგანოს დატოვების შემდეგ, პარტიული სიის მიხედვით, მისი ადგილი სწორედ ასლან ლორთქიფანიძეს უნდა დაეკავებინა, თუმცა მმართველმა გუნდმა გადაწყვეტილება შეცვალა.
„ოცნებამ“ აჭარის უმაღლეს საარჩევნო კომისიას მიმართა და პარტიული სიიდან 19-დან 26 ნომრის ჩათვლით კანდიდატებისთვის საარჩევნო რეგისტრაციის გაუქმება მოითხოვა. შედეგად, ასლან ლორთქიფანიძე და კიდევ რამდენიმე კანდიდატი სიიდან ჩახსნეს.
საბოლოოდ, დავით გაბაიძის ნაცვლად უმაღლესი საბჭოს წევრი მინურ პაქსაძე გახდა, რომელიც პარტიულ სიაში 27-ე ნომერი იყო.
ცნობისთვის, ასლან ლორთქიფანიძე სოციალურ ქსელებში „ქართული ოცნების“ ერთ-ერთ აქტიურ მხარდამჭერად ფიგურირებს. ის ხელისუფლების მხარდამჭერ სტატუსებსა და კომენტარებს ხშირად სწორედ სამუშაო საათებში აქვეყნებს, აქტიურად ესხმის თავს ოპონენტებს და ანტიევროპული გზავნილებითაც გამოირჩევა.
დავით გაბაიძე „აჭარის წყლის ალიანსის“ სამეთვალყურეო საბჭოს თავმჯდომარედ ინიშნება
