შინაგან საქმეთა სამინისტროს ინფორმაციით, ინტერპოლის წითელი ცირკულარით ძებნილი აზერბაიჯანის მოქალაქე დააკავეს.
უწყების ცნობით, დაკავებული აზერბაიჯანის სამართალდამცავი ორგანოების მოთხოვნის საფუძველზე ხულიგნობისა და სხვისი ნივთის განზრახ დაზიანების ბრალდებით იძებნებოდა.
ძებნილი პირი ჩატარებული საგამოძიებო მოქმედებების შედეგად, საბაჟო გამშვებ პუნქტ „სარფის“ ტერიტორიაზე დააკავეს.
შინაგან საქმეთა სამინისტროს ცნობით, ამჟამად დაკავებულის მიმართ კანონით გათვალისწინებული საექსტრადიციო პროცედურები მიმდინარეობს.
