აჭარაში ვიზიტით მყოფი აშშ-ის ელჩი საქართველოში საკონსტიტუციო სასამართლოს ეწვია. რობინ დანიგანს მერაბ ტურავამ შენობა დაათვალიერებინა, რომლის შემდეგაც დიპლომატს სასამართლოს მუშაობის სპეციფიკაზე ესაუბრა.
“ეს ვიზიტი არის მნიშვნელოვანი, რადგან საკონსტიტუციო სასამართლოს აშშ-თან აქვს მჭიდრო თანამშრომლობა. არაერთი პროექტი ხორციელდება ერთობლივად. ეს არის სხვადასხვა სახის ურთიერთობა ინსტიტუციებთან, არასამთავრობო სექტორთან და შესაბამისად დღეს, ელჩის ვიზიტის დროს ჩვენ ვისაუბრებთ მომავალი თანამშრომლობის გეგმებზე,” – განაცხადა მედიასთან მერაბ ტურავამ.
ინფორმაციისთვის: რობინ დანიგანი მეორე დღეა, აჭარაში სხვადასხვა უწყებისა და მაღალი რანგის წარმომადგენლებს ხვდება.
