ჩვენი სიუჟეტის გმირი ქსოვილების მოზაიკის ერთადერთი ოსტატია, რომელმაც ამ მიმართულებით საქმიანობა სამსახურიდან წამოსვლის შემდეგ დაიწყო. “საერთოდ არ ვიცოდი, ხატვა თუ ვიცოდი,” – გვეუბნება ნესტან ავალიანი, რომელმაც კინუსაიგას ტექნიკა სამი წლის წინ აღმოაჩინა. “კინუსაიგა” ძველი კიმონოს ქსოვილის ხელახალი გამოყენებას გულისხმობს.
ნესტანი გამოუსადეგარი ქსოვილებისგან ხატავს და როგორც თავად ამბობს, თითოეული ნამუშევარი უნიკალურია. შთაგონების წყარო მის მეხსიერებაში შემორჩენილი ბავშვობის მოგონებებია.
ნესტანის ნამუშევრები ბათუმის გარდა, საქართველოს რამდენიმე ქალაქში იყიდება. ოსტატი ნახატების რეალიზაციას სოციალური ქსელებითაც ცდილობს. პროფესიით ეკონომისტს სამომავლოდ სახელოსნოს მოწყობა სურს, რითაც მისი საქმიანობა კიდევ უფრო გამრავალფეროვნდება. ხელოვანს დაინტერესებული პირებისთვის მასტერკლასების ჩატარების სურვილიც აქვს.
