მოსამართლე ალექსანდრე გოგუაძემ მეტეოროლოგი და ჟურნალისტი კობა ფარტენაძე ადმინისტრაციულ სამართალდამრღვევად ცნო და 2000 ლარით დააჯარიმა.
„მინიმალური ჯარიმა შეგიფარდეთ“ – ღიმილიანი სახით მიმართა მოსამართლემ ფარტენაძეს და გადაწყვეტილება გამოაცხადა.
კობა ფარტენაძე 17 აგვისტოს, ადმინისტრაციული წესით 166-ე წვრილმანი ხულიგნობისა და 173-ე პოლიციელის კანონიერი მოთხოვნის დაუმორჩილებლობის მუხლების შესაბამისად დააკავეს.
„ძალიან კარგი გადაწყვეტილებაა იმ მხრივ, რომ ვაცნობიერებ ჩემს გადაცდომას. ეს ჩემს ღირსებას და საზოგადოების წინაშე ჩემს პასუხისმგებლობას ნამდვილად არ შეესაბამებოდა, იმიტომ, რომ ხალხი მენდობა, მიყურებს და მელოდება. ამიტომაც ვფიქრობ, რომ ეს იყო სასჯელის სახით მინიმალური, რაც სამართლიანი იქნებოდა“, – ასე შეაფასა გადაწყვეტილება კობა ფარტენაძემ.
გადაწყვეტილებას კობა ფარტენაძის ინტერესების დამცველი არ ეთანხმება. თემურ ქავშბაიას თქმით, მოსამართლემ ამ შემთხვევაში სასჯელის მკაცრი ფორმა გამოიყენა.
„მე ვფიქრობდი, რომ სასამართლო უფრო ლოიალური იქნებოდა და სიტყვიერი გაფრთხილებით, შენიშვნით შემოიფარგლებოდა. კობას მიმართ სასამართლომ საკმაოდ მკაცრი გადაწყვეტილება მიიღო და სხვა ალტერნატიული შესაძლებლობები არ გამოიყენა“, – განაცხადა თემურ ქავშბაიამ.
ცნობისთვის, კობა ფარტენაძეს თავს რამდენჯერმე დაესხნენ.
კობა ფარტენაძის საქმეზე ბრალდებულებს 7-7 ათასი ლარის გირაო შეეფარდათ
