კობა ფარტენაძე წინასწარი მოთავსების იზოლატორიდან ხელწერილის საფუძველზე გაათავისუფლეს. სასამართლო მისი საქმის ფარგლებში აღკვეთის ღონისძიების საკითხზე ხვალ, 18 აგვისტოს, იმსჯელებს.
„კობა ფარტენაძე, პოლიციის მიმართ სხვადასხვა დრო განხორციელებული სიტყვიერი შეურაცხყოფის, ასევ წვრილმანი ხულოგნობის ფაქტზე, ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს. კობა ფარტენაძემ, 16 აგვისტოს, მასთან დაკავშირებულ ერთ-ერთ სისხლის სამართლის საქმეზე მოწმის სახით გამოკითხვისას, სამართალდამცველებს მიაყენა სიტყვიერი შეურაცხყოფა – აღნიშნულ ფაქტზე დაიწყო ადმინისტრაციული წარმოება. ასევე, აღნიშული პირი 17 აგვისტოს ღამის საათებში, ბათუმში, ხმამაღლა ლანძღვა-გინებით არღვევდა საზოგადოებრივ წესრიგს, სამართალდამცველებმა, არაერთხელ მოუწოდეს შეეწყვიტა კანონსაწინააღმდეგო ქმედება, თუმცა ის არ დაემორჩილა პოლიციელების მოთხოვნას, პოლიციელებს მიაყენა შეურაცხყოფა,“ – აცხადებენ შსს-ში.
რა ვითარებაში დააკავეს მეტეოროლოგი, რა მოხდა წუხელ და როგორ აფასებს თავად ფარტენაძე მომხდარს, ამის შესახებ მან, გათავისუფლების შემდეგ „აჭარა თაიმსთან“ ისაუბრა.
ცნობისთვის, კობა ფარტენაძეს თავს რამდენჯერმე დაესხნენ.
კობა ფარტენაძის საქმეზე ბრალდებულებს 7-7 ათასი ლარის გირაო შეეფარდათ
