ხედი ფანჯრიდან
როდესაც ბათუმში ადამიანთა მცირე ჯგუფი ცათამბჯენების მშენებლობას ეწინააღმდეგება, უმრავლესობის მხრიდან ასეთ პოზიციას მოისმენთ: „აშენებენ, ხომ არ ანგრევენ, რატომ უშლით ხელს ქალაქის განვითარებას?”
ვინც არ ფიქრობს, რა მოსალოდნელი შედეგები შეიძლება ჰქონდეს “ინვესტიციის” განხორციელებას, მისთვის ცათამბჯენი მხოლოდ სილამაზესთან და “სიკეთესთან” ასოცირდება. საქართველოში კი, ქაოსური მშენებლობების გამო, სხვა რეალობა გვაქვს.
„აჭარა თაიმსმა“ იმ ადამიანებთან გასაუბრება გადაწყვიტა, რომლებსაც ცათამბჯენების ჩრდილქვეშ უწევთ ცხოვრება. ამ მასალაში ბათუმის სხვადასხვა უბანში მცხოვრებთა ხმებს მოისმენთ და უშუალოდ მათგან გაიგებთ, როგორ რეალობაში გაიღვიძეს, მაღლივი კორპუსებისა თუ სასტუმროების მშენებლობის შემდეგ.
ბათუმში ქაოსური მშენებლობის ნათელი მაგალითი ზღვის პირველი ზოლია, სადაც ცათამბჯენებს, ფაქტობრივად, ბეტონის ფარდა აქვს შექმნილი. მოდი, მოვისმინოთ ხიმშიაშვილის ქუჩაზე მცხოვრები მოქალაქის ხმა ⇓
გამოწვევები და პრობლემები თითქმის იდენტურია კობალაძის ქუჩაზეც. „ჩვენს ქუჩაზე სუნთქვა ჭირს, ეზოები აღარ გვაქვს,“ – ასე იწყებს ჩვენთან საუბარს ერთ-ერთი ადგილობრივი და იმ რეალობაზე გვიყვება, რომელიც მათ დასახლებაშია შექმნილი. მოვისმინოთ ამ მოქალაქის სათქმელი ⇓
დარღვეული უფლებები, გამქრალი რეკრეაციული ზოლი, პარკინგის არარსებობა, მცირე ადგილზე რამდენიმე ცათამბჯენი და არანაირი სკვერი – ეს იმ პრობლემების ჩამონათვალია, რომლებზეც ყურადღებას ამახვილებს ფიროსმანის ქუჩაზე მცხოვრები მოქალაქე. მოისმინეთ მისი პოზიცია ვრცლად ⇓
ბათუმში ინასარიძის ქუჩის გარკვეული მონაკვეთი ხუთსართულიანი კორპუსებითაა განაშენიანებული. ყველა სახლს განიერი ეზო, გამწვანება და სკვერი აქვს, თუმცა ამ სიკეთეების მიღმა, არის ერთი რეალობა, რომელიც, ბოლო წლებში, მათ დასახლებაში შეიქმნა. ზღვის მხარე მთლიანად ცათამბჯენებითაა ჩაკეტილი, რაც ადგილობრივებს დისკომფორტს უქმნის ⇓
პრობლემებსა და საფრთხეებზე ის მოქალაქეებიც საუბრობენ, რომლებიც ცათამბჯენებში ცხოვრობენ. მათი თქმით, გარდა ინფრასტრუქტურული პრობლემებისა, დაუცველობის განცდაც აქვთ. ფიქრობენ, რომ კორპუსების უდიდესი ნაწილი უხარისხოდაა აშენებული. მოისმინეთ ფარნავაზ მეფის ქუჩაზე არსებულ მაღალსართულიან სახლში მცხოვრების მოსაზრება ⇓
გორგასლის ქუჩაზე, მჭიდროდ განაშენიანებულ უბანში, სადაც ელემენტარული ინფრასტრუქტურაც არ არსებობს, ერთ-ერთი პირი სხვა მოქალაქეებს ასეთ კორპუსებში ცხოვრებისგან თავის შეკავებას სთხოვს და ყველას, ვინც დამატებითი კვადრატების სანაცვლოდ საკუთრებას თმობს, დაფიქრებისკენ მოუწოდებს ⇓
სამოქალაქო აქტივისტს, რომელიც წლებია ბათუმის ქაოსურ განაშენიანებას ეწინააღმდეგება პროცესის შეჩერების იმედი არ აქვს. ირმა ზოიძის თქმით, ხელისუფლება ყველაფერს აკეთებს იმისთვის რომ, რაც შეიძლება მეტი სარგებელი მიიღოს. ზოიძე აქცენტს შესაძლო კორუფციულ გარიგებებზე აკეთებს და აცხადებს, რომ გადაწყვეტილებები მეტწილად საეჭვოა ⇓
მესამე სექტორი შექმნილი ვითარების ფონზე აქცენტს სატრანსპორტო პოლიტიკაზე აკეთებს. “მწვანე ალტერნატივაში” მიაჩნიათ, რომ დოკუმენტი განახლებას საჭიროებს, რადგან მჭიდრო განაშენიანების შედეგად ხშირია სატრანსპორტო კოლაფსი. ანა ნიქაბაძის თქმით, ნებართვების გაცემამდე უნდა შეფასდეს მშენებლობის ზეგავლენა ტრანსპორტის სექტორზე, რაც მოქმედი რეგულაციებით არ განისაზღვრება ⇓
„რამდენი სართული აშენდება, მაგას მნიშვნელობა არ აქვს. რატომ გვაქვს მაღალი სართულების შიში,“ – ასე ფიქრობს უმრავლესობის წევრი, რომელსაც ბათუმის ჩაბეტონების პროცესზე ვკითხეთ.
გიორგი მანველიძის მტკიცებით, ქაოსური მშენებლობები და „განუკითხაობა“ 2012 წლამდე ხდებოდა. არადა უმაღლესი საბჭოს დეპუტატის რძლის კომპანია 2022 წელს უკანონო მშენებლობით იყო დაკავებული.
მანველიძეების ოჯახი კიდევ ერთ უკანონო სამშენებლო პროცესში ფიგურირებდა. 2020 წელს, მოქალაქეები მამა-შვილ ჩინოვნიკეებს ინვესტორის მფარველობაში ადანაშაულებდნენ.
„ქართული ოცნების“ მაღალჩინოსანს მიაჩნია, რომ ზღვისპირა ქალაქში „ყველაფერი რიგზეა“ და ბათუმის მერიის მიერ გაცემული სამშენებლო ნებართვები კრიტიკას არ იმსახურებს ⇓
