რამდენიმე მოზარდი, სამართალდამცავებს ძალის გადამეტებაში ადანაშაულებს. ახალგაზრდები “აჭარა თაიმსს” უყვებიან, რომ ინციდენტი ბათუმის სტადიონზე, გუშინ, მატჩის მიმდინარეობისას მოხდა.
მათი თქმით, პოლიციელები სიტყვიერი შეურაცხყოფის გარდა, მათ ფიზიკურადაც გაუსწორდნენ, მიზეზი კი არ განუმარტეს.
“ხელის კვრებით ჩაგვყარე კიბეებზე. ათამდე პოლიციელი გვირტყამდა, ვერ გავიგეთ რის გამო გვისწორდებოდნენ ფიზიკურად. გარეთ გამოგვაგდეს და ფეხბურთის ყურება ვერ შევძელით. მათ, არც კი განუმარტავთ რომელ სამმართველოს წარმოადგენდნენ. დაპირისპირებისას კადრების გადაღება ვერ შევძელით, თუმცა ინციდენტი ვიდეო სათავალთვალო კამერების არეალში მოხდა,” – გვითხრა ერთ-ერთმა ახალგაზრდამ, რომელიც ვინაობის დასახელებისგან თავს იკავებს, თუმცა ამბობს, რომ ბათუმის მერის ახალგაზრდული მრჩეველთა საბჭოს ერთ-ერთი წევრია.
ინფორმაციისთვის: ახალგაზრდები სამართალდამცავების მხრიდან ძალადობის გადამეტების ფაქტებზე სპეციალური საგამოძიებო სამსახურისთვის მიმართვას გეგმავენ.
აქვე დაგაინტერესებთ: ბათუმის “დინამოსა” და ქუთაისის “ტორპედოს” მატჩი დინამოს გამარჯვებით დასრულდა, ანგარიშით, 3:2. შეხვედრა ბათუმის ცენტრალურ სტადიონზე გაიმართა.
