“მოხსენებითებს ითხოვს, ველით რა ზომებს გაატარებს, მე დამიბარა კაბინეტში და დაკითხვა მომიწყო,” – ამის შესახებ სოციალურ ქსელში ბათუმის დრამატული თეატრის მსახიობი წერს. ოთო ქათამაძის თქმით, სამხატვრო ხელმძღვანელს, ნუკრი ქანთარიას სპექტაკლის შემდეგ შეხვდა.
მსახიობები ამ თემაზე სხვა განმარტებების გაკეთებისგან თავს იკავებენ და თეატრის გადაწყვეტილებას ელოდებიან. დღეს ისინი კვლავ თამაშობენ სპექტაკლს “თამაშს”.
“კომენტარის გარეშე,” – უთხრა AJARATIMES.GE-ის ნუკრი ქანთარიამ და ტელეფონი გაგვითიშა.
ცნობისთვის: ,,რუსეთი ოკუპანტია. ჩვენი გზა ევროპაშია. არა რუსულ კანონს,” – ბათუმის სახელმწიფო დრამატულ თეატრში, გუშინ, სპექტაკლის შემდეგ ,,რუსული კანონი” გააპროტესტეს.
ინფორმაციისთვის: ნუკრი ქანთარია „ქართული ოცნების” მანდატით ორჯერ იყო საქართველოს პარლამენტის წევრი. მას ეკავა პარლამენტის განათლების, მეცნიერებისა და კულტურის კომიტეტის თავმჯდომარის პირველი მოადგილის თანამდებობა.
სხვადასხვა წლებში ქანთარია მუშაობდა თელავის ვაჟა-ფშაველას სახელობის სახელმწიფო თეატრის მთავარ რეჟისორად. ის ასევე, იყო თბილისის სანდრო ახმეტელის სახელობის თეატრის სამხატვრო ხელმძღვანელი.
