ბათუმში, ფრიდონ ხალვაშის ქუჩაზე, გუშინ მომხდარი ავტოსაგზაო შემთხვევის შედეგად დაშავებული 33 კვირის ორსული ქალი ამ დრომდე კლინიკაში რჩება.
ექიმების ინფორმაციით, ქალს სხვადასხვა სახის ტრავმა აღენიშნება. მისი ჯანმრთელობის მდგომარეობა ამ ეტაპზე სტაბილურია. ავარიის შედეგად მცირეწლოვანი ადგილზე დაიღუპა.
ვიდეოკადრების თანახმად, ფრიდონ ხალვაშის ქუჩაზე რამდენიმე ადამიანი ქვეითად გადაადგილდებოდა, რა დროსაც მათ მიკროავტობუსი შეეჯახა და გადაუარა. ფაქტზე გამოძიება საქართველოს სისხლის სამართლის კოდექსის 276-ე მუხლით მიმდინარეობს.
ცნობისთვის, ფრიდონ ხალვაშის ქუჩაზე ავტოსაგზაო შემთხვევები ხშირია. პრობლემას წარმოადგენს ინფრასტრუქტურა, საერთაშორისო მნიშვნელობის მაგისტრალზე არ არის მოწყობილი ტროტუარები და გარეგანათება, გზის გარკვეული ნაწილი კი დაზიანებულია.
