AJARATIMES.GE-ის ინფორმაციით, ერთმანეთს ორი სატვირთო შეეჯახა, შედეგად ორი ადამიანი დაშავდა. შემთხვევა ცოტა ხნის წინ, გონიოს ხიდთან მოხდა.
შემთხვევის ადგილზეა საპატრულო პოლიციის რამდენიმე ეკიპაში. ავარიის გამო, შეფერხებულია სატრანსპორტო მიმოსვლა. დაშავებულები სამედიცინო დაწესებულებაში გადაჰყავთ.
შინაგან საქმეთა სამინისტროში განმარტეს, რომ მომხდარზე გამოძიება სისხლის სამართლის კოდექსის 276-ე მუხლით მიმდინარეობს.
ცნობისთვის: დღეს ბათუმში კიდევ ორი ავტოსაგზაო შემთხვევა მოხდა. ერთი აეროპორტის გზატკეცილზე, რომლის დროსაც ორი ადამიანი დაშავდა. ავარიის მეორე შემთხვევა ბაგრატიონის ქუჩაზე დაფიქსირდა, სადაც ერთი ადამიანი დაშავდა.
