სურსათის ეროვნული სააგენტოს ინფორმაციით, ბათუმში, ფრიდონ ხალვაშის ქუჩაზე მდებარე რესტორან „ღელეღურდანს“ გამოვლენილი კრიტიკული შეუსაბამობების გამო საწარმოო პროცესი შეუჩერდა.
სააგენტოს ცნობით, ობიექტი აჭარის დეპარტამენტის ინსპექტორებმა შეამოწმეს. ინსპექტირებისას გამოვლინდა ინფრასტრუქტურის გაუმართაობა, ინვენტარის არასათანადო რეცხვისა და დეზინფექციის ფაქტები, ასევე ჰიგიენური ნორმების დარღვევა.
გამოვლენილი დარღვევების გამო ბიზნესოპერატორი დააჯარიმეს და საწარმოო პროცესი შეუჩერეს. სააგენტოს ინფორმაციით, ობიექტი ბათუმში, ფრიდონ ხალვაშის ქუჩის №45ა-ში მდებარეობს.
