”ნაციონალური მოძრაობა” საკონსტიტუციო სასამართლოს გადაწყვეტილებას გამოეხმაურა და მოსამართლეები სისტემის დავალებების შესრულებაში დაადანაშაულა.
ოპოზიციის წარმომადგენლების შეფასებით, გადაწყვეტილება მმართველი გუნდის მიერ იყო ნაკარნახევი.
“ივანიშვილის სასამართლომ კიდევ ერთხელ გვაჩენა, რას ნიშნავს სასამართლო სისტემა ოლიგარქის დავალებების შემსრულებელია. ნათელი მაგალითია, როგორი არ უნდა იყოს სასამართლო და მოსამართლე.
გუშინ საკონსტიტუციო სასამართლომ გამოიტანა განაჩენი ტურავასა და გოცირიძის მეთვალყურეობით, რომლებმაც ფაქტობრივად დაასამარეს საქართველოს ევროპული გზა.
განსაკუთრებით აღმაშფოთებელია, როდესაც ეს ევროკავშირის რეზოლუციის ფონზე ხდება.ჩვენ გვინდა, შევახსენოთ ამ ადამიანებს, რომ მთავარი გადაწყვეტილება გამოსატანია 26 ოქტომბერს. გადაწყვეტილებას ქართველი ხალხი, რაც დადასტურება იქნება რომ ქართველი ხალხის არჩევანი იყო არის და იქნება ევროპა და ცივილიზირებული სამყარო.
ჩვენ არანაირი მოლოდინი არ გვქონდა, რომ სანქცირებული მოსამართლეები და სასამართლო მიიღებდა ცივილურ გადაწყვეტილებას.
არსებობდა იმედი, რომ ადამიანურ დონეზე მოიძებნებოდა საკონოსტიტუციო სასამართლოში ის პირები, რომლებიც საკუთარ თავს აჯობებდნენ და ქვეყნისთვის სასიკეთო გადაწყვეტილებას მიიღებდნენ, რაც რეალურად სასამართლოს დანიშნულებაა.
სამწუხაროდ აღმოჩნდა რომ მონა არის მონა და მიუხედავად იმის, რამდენად დიდია საზოგადოების წნეხი ისინი მაინც ღებულებობენ იმ გადაწყვეტილებას, რასაც “ქართული ოცნების” შტაბი ავალებს, შესაბამისად მოქმედებენ,” – განაცხადა ბრიფინგზე ნიკა ქაშიბაძემ.
ინფორმაციისთვის: საკონსტიტუციომ რუსული კანონის მოქმედება არ შეაჩერა, თუმცა სარჩელი წარმოებაში მიიღოწარმოებაში მიიღო
