საყოველთაო პროტესტს ბათუმელი მეზღვაურებიც შეუერთდნენ. ისინი ევროპის მოედანზე შეიკრიბნენ და თავიანთი მოსაზრებები დააფიქსირეს. მათი თქმით, „ევროკავშირთან ურთიერთობის გაწყვეტა, მეზღვაურებს პრობლემებს შეუქმნის“.
მეზღვაურები ამბობენ იმასაც, რომ “ქართული ოცნების” პოლიტიკის შედეგად ისინი ევროპულ კომპანიებში ვერ დასაქმდებიან და უმუშევარი რჩებიან.
“გვინდა ევროპული მომავალი და განვითარება, მეზღვაურებს გვქონდეს შესაძლებლობა, რომ ევროპულ კომპანიებში დავსაქმდეთ, ევროპული სტანდარტებით განვითარებული ქვეყანა, რომ გვექნება, ვერავინ ვერ დაგვჩაგრავს. ევროპაში მეზღვაურის დიპლომის აღიარებას რომ გააუქმებენ, სად უნდა დავსაქმდეთ? სად წავიდეთ? ის ხალხი, რომელსაც მიტაცებული აქვს ხელისუფლება, არ მივიჩნევთ ხელისუფლებად, რომელსაც ყველა ინსტიტუტი მიტაცებული აქვთ. “ქართული ოცნება” კრემლის მითითებებს ასრულებს, ძალაუფლება სხვადასხვა პარტიებზე უნდა გადანაწილდეს, ამ ხელისუფლებამ აშკარად წააგო არჩევნები და აირჩია რუსული კურსი. საქართველოს ვერ დააჩოქებთ”, – თქვა ჩვენთან საუბრისას ჯემალ კახიძემ.
