ამ წუთებში, აჭარის მთავრობასთან რეჟიმის პატიმრების სოლიდარობის აქცია მიმდინარეობს. შეკრებილები გუშინ, აჭარის მთავარ სამმართველოსთან განვითარებულ მოვლენებსა და 10 დაკავებულის ფაქტს ეხმიანებიან.
აქტივისტები და მათი მხარდამჭერები მოითხოვენ პატიმრების განთავისუფლებას. აქციის მონაწილეებმა აღნიშნეს, რომ ისინი დაკავებულთა უფლებების დაცვასა და გათავისუფლებას მოითხოვენ.
https://www.facebook.com/ajaratimes/videos/1580257325940371/
ინფორმაციისთვის: 2025 წლის 11 იანვარს, აჭარის პოლიციის მთავარ სამმართველოსთან გამართული აქცია დაძაბულობით დასრულდა. აქციის მონაწილეები, რომლებიც ერთ-ერთი დაკავებული აქტივისტის გათავისუფლებას ითხოვდნენ, პარალელურად სამმართველოსთან სტიკერებს აკრავდნენ. ამ ქმედების გამო, პოლიციამ ათამდე ადამიანი დააკავა.
დაკავებულებს პოლიციელების მოთხოვნის დაუმორჩილებლობას ედავებიან. მათ ნაწილი ხელწერილის საფუძველზე გვიან ღამით გაათავისუფლეს, თუმცა, ერთ-ერთი მათგანი, მზია ამაღლობელი, ონლაინ მედია „ბათუმელების“ დირექტორი, გათავისუფლების შემდეგ კვლავ დააკავეს. ამაღლობელს მოგვიანებით პოლიციელზე თავდასხმის ბრალი წაუყენეს.
