კომპანია „ბათუმის წყლის“ ინფორმაციით, ი. მესხის ქუჩაზე ცენტრალურ მაგისტრალურ მილზე ავარიული დაზიანების გამო, ქალაქის რამდენიმე უბანსა და ქუჩაზე წყალმომარაგება დროებით შეიზღუდება.
სარეაბილიტაციო სამუშაოების დასრულებამდე, 15 მარტის 00:00 საათამდე, წყლის მიწოდება შეეზღუდებათ ბენზეს, ბარცხანას, გოროდოკის დასახლებას, წინსვლას, ორთაბათუმს, მაიაკოვსკის, ფრიდონ ხალვაშის ქუჩას, აეროპორტის გზატკეცილს, ზღვისპირა ზოლს, ანგისას, ადლიას, ჰელიმიშს, ნიჟარაძის, აღმაშენებლის, ტაბიძის, რურუას, ლეონიძის, ქეთევან წამებულის, გ. ა. აბაშიძის, ინასარიძისა და კობალაძის ქუჩებზე მცხოვრებ აბონენტებს.
დაზიანების მასშტაბურობიდან გამომდინარე, შესაძლოა, წყალმომარაგება დროებით შეიზღუდოს ქალაქის სხვა ქუჩებზეც, ხოლო მაღალსართულიან კორპუსებში მცხოვრები აბონენტებისთვის წყლის მიწოდება დაბალი წნევით მოხდეს.
კომპანიის ინფორმაციით, წყალმომარაგების აღდგენის ზუსტი დრო დაზიანების აღმოფხვრის შემდეგ გახდება ცნობილი.
