აშშ-ის ჰელსინკის კომისიის თანათავმჯდომარე და „MEGOBARI აქტის“ ავტორი, რესპუბლიკელი კონგრესმენი ჯო უილსონი საქართველოსთან დაკავშირებული სანქციების ახალი ეტაპის შესახებ საუბრობს და ქართველ მაღალჩინოსანთა, მმართველი გუნდის წევრების, მოსამართლეებისა და ბიზნესმენების სია ასაჯაროვებს, რომელთაც მისი თქმით, შესაძლოა აშშ-ის მხრიდან სანქციები დაეკისროთ.
„MEGOBARI აქტი მიღებულ იქნა წარმომადგენელთა პალატაში და ამერიკის მოძულე ივანიშვილის მაფიოზური ხროვა გაფრთხილებულ უნდა იქნას! მხარი დაუჭირეთ თავისუფალ და სამართლიან არჩევნებს ან შედეგების წინაშე დადექით“, – წერს უილსონი სოციალურ ქსელ X-ზე.
მისი განცხადებით, ეს პირები ეხმარებიან „ოლიგარქ ბიძინა ივანიშვილს, საქართველოს ჩრდილოვან მმართველს, ქვეყნის მიტაცებაში და საქართველოს ანტიდასავლურ გზაზე დაყენებაში“.
უილსონმა საჯაროდ გაავრცელა იმ პირთა სია, ვინც, მისი თქმით, სხვადასხვა სფეროში ხელს უწყობს დემოკრატიის დემონტაჟს საქართველოში. ესენია:
აღმასრულებელი და სამართალდამცავი ორგანოები:
ირაკლი კობახიძე, კახა კალაძე, ირაკლი ღარიბაშვილი, ვახტანგ გომელაური, ანრი ოხანაშვილი, პაატა სალია, მაკა ბოჭორიშვილი, სულხან თამაზაშვილი.
საკანონმდებლო ორგანო:
შალვა პაპუაშვილი, ნინო წილოსანი, მამუკა მდინარაძე, ვიქტორ ჯაფარიძე, დიმიტრი სამხარაძე, თეა წულუკიანი.
სასამართლო სისტემა:
მიხეილ ჩინჩალაძე, ლევან მურუსიძე, დიმიტრი გვრიტიშვილი, გიორგი მიქაუტაძე, ლევან თევზაძე, ირაკლი შენგელია, რევაზ ნადარაია, შალვა თადუმაძე.
საკვანძო ინსტიტუტები და უწყებები:
გიორგი გაბიტაშვილი, კარლო კაციტაძე, გიორგი კალანდარიშვილი, გიორგი ჯავახიშვილი, რაჟდენ კუპრაშვილი, ნათია თურნავა.
ბიზნესმენები:
უჩა მამაცაშვილი, ვანო ჩხარტიშვილი, ალექსანდრე ივანიშვილი, ოთარ ფარცხალაძე, ნოშრევან ნამორაძე.
მედია და პროპაგანდისტული არხები:
ირაკლი რუხაძე, ლაშა ნაცვლიშვილი, ვასილ მაღლაფერიძე და თინათინ ბერძენიშვილი (საზოგადოებრივი მაუწყებელი), კახი ბექაური (კომუნიკაციების ეროვნული კომისია).
უილსონის განცხადებით, აღნიშნული პირები შესაძლოა აღმოჩნდნენ მიზანში აშშ-ის სანქციების პოლიტიკის ფარგლებში, თუკი ისინი არ დაუჭერენ მხარს დემოკრატიულ პროცესებს საქართველოში.
აღსანიშნავია, რომ „MEGOBARIაქტი“ კონგრესში 2024 წელს ინიცირდა და მიზნად ისახავს აშშ-ის მხრიდან მკაცრი რეაგირების მექანიზმების ჩამოყალიბებას საქართველოში დემოკრატიის უკუსვლის წინააღმდეგ.
