სამგზავრო თვითმფრინავი ამ ეტაპზე ვერ ახერხებს ბათუმის საერთაშორისო აეროპორტში დაფრენას. flightradar24-ის მონაცემების მიხედვით, თვითმფრინავი რამდენიმე წუთია ბათუმის თავზე მანევრირებს. ამავე ვებგვერდის თანახმად, ავიაკომპანია ჩეხურია, თუმცა რუკაზე არ ჩანს საიდან მოფრინავს.
ამ ეტაპზე უცნობია შეფერხების მიზეზი – ოფიციალური განმარტება არც აეროპორტის ადმინისტრაციას გაუკეთებია და არც ავიაკომპანიას. შეფერხება შესაძლოა გამოწვეული იყოს როგორც მეტეოროლოგიური პირობებით, ასევე ტექნიკური მიზეზებით.
განახლება: რამდენიმე მცდელობის შემდეგ, თვითმფრინავი ბათუმის აეროპორტში უსაფრთხოდ დაეშვა.
