AJARATIMES.GE-ის ინფორმაციით, ქობულეთის მუნიციპალიტეტში ავარიისას ორი ადამიანი დაშავდა. შემთხვევა გვიან ღამით, აღმაშენებლის ქუჩაზე მოხდა.
ერთმანეთს ორი ავტომობილი შეეჯახა. სასწრაფო სამედიცინო დახმარების ცენტრში განმარტეს, რომ დაშავებულები ადგილობრივ საავადმყოფოში გადაიყვანეს.
მომხდარზე გამოძიება სისხლის სამართლის კოდექსის 276-ე მუხლით დაიწყო, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.
