შინაგან საქმეთა სამინისტროს ინფორმაციით, საქართველოს სახელმწიფო საზღვარზე მიგრანტის უკანონოდ გადაყვანის მცდელობის, სახელმწიფო საზღვრის უკანონოდ გადაკვეთისა და მისი მცდელობის ფაქტებზე ირანის ისლამური რესპუბლიკის ორი მოქალაქე დააკავეს.
უწყების ცნობით, გამოძიებით დადგინდა, რომ ერთ-ერთი დაკავებული, საკუთარი მართვის ქვეშ არსებული სატვირთო ავტომანქანით, მეორე ბრალდებულის საქართველოს სახელმწიფო საზღვარზე უკანონოდ და მალულად გადაყვანას ცდილობდა. სამინისტროს ინფორმაციით, ისინი სასაზღვრო საკონტროლო-გამტარი პუნქტის „სარფის“ გვერდის ავლით გეგმავდნენ გადაადგილებას.
სამართალდამცველებმა ორივე პირი სასაზღვრო გამშვები პუნქტის ტერიტორიაზე დააკავეს.
გამოძიება საქართველოს სისხლის სამართლის კოდექსის 19-344-ე პრიმა, 19-344-ე და 344-ე მუხლებით მიმდინარეობს, რაც სასჯელის სახით 5 წლამდე ვადით თავისუფლების აღკვეთას ითვალისწინებს.
