ახალი თეატრი რეგიონებში გასვლის პირველ დღეს ბათუმში შეიკრიბა, სადაც რეჟისორმა და თეატრის სამხატვრო ხელმძღვანელმა, დავით დოიაშვილმა, სიტყვით მიმართა საპროტესტო ღონისძიების მონაწილეებს. ახალი თეატრის წარმომადგენლები ბათუმში ჩამოვიდნენ, რათა ქალაქის მოსახლეობის ხმა მოესმინათ.
„ჩვენი მთავარი მიზანი არის, რომ მოვისმინოთ ბათუმელების ხმა და გავიგოთ მათი პრობლემები. სწორედ ამიტომ ვართ დღეს აქ,“ – აღნიშნა დოიაშვილმა.
საპროტესტო შეხვედრაზე სიტყვით გამოვიდნენ პოლიტპატიმრების ოჯახის წევრები. ზვიად ცეცხლაძის მამამ, ზურაბ ცეცხლაძემ, და ანდრო ჭიჭინაძის დედამ, ლიკა გუნცაძემ, დიდი სოლიდარობა და მხარდაჭერა გამოხატეს. ლიკა გუნცაძემ მადლობა გადაუხადა ყველას სოლიდარობისთვის და კიდევ ერთხელ მოითხოვა პოლიტპატიმრების გათავისუფლება.
„ჩვენი ბრძოლა არ დასრულდება, სანამ ყველა უსამართლოდ დაკავებული ადამიანი არ გათავისუფლდება,“ – განაცხადა ლიკა გუნცაძემ.
ახალი თეატრი სოლიდარობას უცხადებს მზია ამაღლობელსა და რეჟიმის ყველა პატიმარს. ახალი თეატრი რეგიონებში გასვლით ცდილობს, გააცნოს და გაძლიეროს საზოგადოების ყველა ჯგუფის ხმა, ჩაერთოს მიმდინარე პროცესებში და გააგრძელოს აქტიური მონაწილეობა ქვეყანაში მიმდინარე მნიშვნელოვან საკითხებში.
https://www.facebook.com/ajaratimes/videos/1318160802766206/
