ბათუმიდან თბილისის მიმართულებით სარკინიგზო მიმოსვლა 8 თებერვლიდან განახლდება, ამის შესახებ ინფორმაციას “საქართველოს რკინიგზა” ავრცელებს.
“ლიანდაგები სრულად გაწმენდილია და ხვალ დილიდან განახლდება სამგზავრო მიმოსვლა,” – წერს რკინიგზის მენეჯმენტი.
ინფორმაციისთვის: უხვი ნალექის გამო, დასავლეთ საქართველოში, მოლითში მეწყერი ჩამოწვა რის გამოც რეისზე არსებულმა მატარებლებმა ვეღარ გააგრძელეს მოძრაობა. ამასთანავე, უამინდობის გამო 7 თებერვლის რეისებიც გაუქმდა.
