ბათუმის მერიის საქალაქო ინფრასტრუქტურისა და კეთილმოწყობის სამმართველოს უფროსმა, აკაკი ბერიძემ, თანამდებობა დატოვა. უწყების ინფორმაციით, ბერიძემ გადაწყვეტილება პირადი განცხადების საფუძველზე მიიღო.
მერია დეტალებს არ აკონკრეტებს და მხოლოდ აღნიშნავს, რომ შესაბამისი პროცედურები კანონმდებლობის ფარგლებში მიმდინარეობს.
“არასრული 5 წლის, 24/7 ბათუმისთვის, ფიქრის საქმიანობის ბევრი მძიმე და მნიშვნელოვანი პროექტის განხორციელების შემდგომ გადავწყვიტე დავტოვო საქალაქო ინფრასტრუქტურისა და კეთილმოწყობის სამმართველოს დირექტორის თანამდებობა… დიდი მადლობა ყველას გვერდში დგომისთვის და მოცემული შესაძლებლობისთვის საკმაოდ ახალგაზრდულ ასაკში მემსახურა ჩემი მშობლიური ქალაქისთვის,” – დაწერა სოციალურ ქსელში აკაკი ბერიძემ.
ინფორმაციისთვის: არასამთავრობო ორგანიზაცია „საერთაშორისო გამჭვირვალობა – საქართველოს“ კვლევების მიხედვით, აკაკი ბერიძე და მისი ოჯახის წევრები წლების განმავლობაში ფიგურირებდნენ საეჭვო სახელმწიფო შესყიდვებში. ორგანიზაციის ცნობით, ბერიძეები სხვადასხვა კომპანიასთან, სხვადასხვა ფორმით იყვნენ დაკავშირებული.
გარემოება: აკაკი ბერიძემდე „ქართულმა ოცნებამ“ თანამშრომლობა შეწყვიტა როლანდ ბერიძესთან, რომელიც ქედის მერის თანამდებობაზე ვადის გასვლის შემდეგ ხელახლა აღარ დაასახელეს.
აქვე დაგაინტერესებთ ⇓
- მაღალჩინოსნების სრულად აღჭურვილი სკვერი, მეზობლებს კი მხოლოდ პატარა ატრაქციონი
– ვრცლად ამ თემაზე - ბათუმის მერიამ ახლადრეაბილიტირებული სკვერი დაანგრია – ვრცლად ამ თემაზე
- ძმები ბერიძეების სატენდერო მადა 5 მილიონ ლარს ასცდა – ნახეთ კვლევის შედეგები
