ბათუმის საკრებულოს თავმჯდომარე თანამდებობას ტოვებს. რამაზ ჯინჭარაძე ბათუმის დელეგატი იქნება აჭარის უმაღლესს საბჭოში, ამის შესახებ ბრიფინგზე თორნიკე რიჟვაძემ განაცხადა.
აჭარის მთავრობის თავმჯდომარის თქმით, რამაზ ჯინჭარაძის სახელს უკავშირდება არაერთი სოციალური პროექტი, ეს გარემოება კი მისი კანდიდატის შერჩევის პროცესში გადამწყვეტი იყო.
“ბათუმში ჩვენი დელეგატი იქნება – რამაზ ჯინჭარაძე, რომელსაც კარგად იცნობს აჭარის თითოელი მცხოვრები, ბატონი რამაზი წლების განმავლობაში იყო აჭარის ჯანდაცვის მინისტრის მოადგილე და მის სახელს უკავშირდება არაერთი სოციალური პროექტი, რამაზ ჯინჭარაძე ბათუმის საკრებულოს მოქმედი თავმჯდომარეა,” – აღნიშნა თორნიკე რიჟვაძემ ბრიფინგზე.
აქვე დაგაინტერესებთ ⇓
- ვინ იქნებიან აჭარის დელეგატები უმაღლესს საბჭოში – ნახეთ ჩამონათვალი.
ინფორმაციისთვის: 2022 წელს, შუალედური არჩევნების მეორე ტურის წინ, ერთ მისამართზე, ასეულობით ამომრჩეველი დარეგისტრირდა, ეს გარემოება კი რამაზ ჯინჭარაძეს გამარჯვებაში დაეხმარა. პირველ ტურში, “ოცნების” კანდიდატს “ნაციონალური მოძრაობის” წევრმა, ნუგზარ ფუტკარაძემ მოუგო. ფუტკარაძის გარდაცვალებამდე ბათუმის საკრებულოში ოპოზიცია უმრავლესობით იყო წარმოდგენილი.
ნუგზარ ფუტკარაძის გარდაცვალების ფაქტს პარტია ზეწოლასა და მუქარას უკავშირებს, რაც მისი ჯანმრთელობის გაუარესების წინაპირობა გახდა. ამ საქმეზე გამოძიება დღემდე თაროზეა.
