„აჭარა თაიმსის“ ინფორმაციით, ბათუმში, თაყაიშვილის ქუჩაზე, პოლიციელებმა დააკავეს ქალი, რომელმაც სრულწლოვან შვილს ბლაგვი საგნით ფიზიკური დაზიანებები მიაყენა.
მეზობლების თქმით, შემთხვევის დროს აივანზე მყოფი კაცი სისხლდენით რამდენიმე წუთის განმავლობაში დახმარებას ითხოვდა.
მომხდარის მოტივი ამ ეტაპზე უცნობია.
შინაგან საქმეთა სამინისტროში აცხადებენ, რომ ფაქტზე გამოძიება სისხლის სამართლის კოდექსის 126 პრიმა მუხლით მიმდინარეობს, რაც ოჯახში ძალადობას გულისხმობს.
