ბათუმში, თამარის დასახლებაში მორიგი საპროტესტო აქცია იმართება, სადაც მოსახლეობა მარკეტის მშენებლობას ეწინააღმდეგება.
ადგილობრივები კერძო ტერიტორიაზე სპორტული მოედნისა და სკვერის მოწყობას ითხოვენ. მათი თქმით, აჭარის მთავრობის თავმჯდომარესთან შეხვედრისას დაპირება მიიღეს, რომ მშენებლობა შეჩერდებოდა, თუმცა პროცესი მაინც გრძელდება.
ადგილობრივთა თქმით, მშენებლობის დაწყებამდე ცარიელ ტერიტორიაზე ბავშვები თამაშობდნენ, ახლა კი ეს შესაძლებლობაც ქრება.
საპროტესტო აქციაზე უფლებადამცველი იმყოფება. თამაზ ბაკურიძემ “აჭარა თაიმსს” განუცხადა, რომ ხვალ, მოსახლეობა აქციას მთავრობის სახლთან გამართავს, პროტესტი კი იქამდე გაგრძელდება, ვიდრე მათი მოთხოვნები არ დაკმაყოფილდება.
