ბათუმის საკრებულოს გადაწყვეტილებით, მუნიციპალიტეტის ტერიტორიაზე მშენებლობით დაინტერესებულ პირს გამწვანების პროექტის წარდგენის ვალდებულება ექნება. კერძოდ, ამიერიდან მშენებელს/ინვესტორს სამშენებლო პროექტთან ერთად, გამწვანების პროექტის წარდგენის ვალდებულება ექნება, წინააღმდეგ შემთხვევაში მშენებლობის ნებართვა არ გაიცემა.
განაშენიანების დეტალური გეგმა, მშენებლებისთვის რიგ მოთხოვნებას აწესებს, მათ შორის განსაზღვრულია გასაშენებელი ნარგავების სახეობები. დადგენილებაში, რომელიც საკრებულომ დღეს გამოსცა მცენარეების სახეობებიცაა შეტანილი.
“ნებისმიერი პროექტის შეთანხმებამდე სავალდებულო იქნება დოკუმენტს თან ახლდეს ტერიტორიის გამწვანების გეგმა, რომლის მიხედვითაც მშენებელი პასუხისმგებელი იქნება მის მფლობელობაში არსებულ მიწაზე, ხეების განაშენიანება და მოვლა პატრონობა უზრუნველყოს. ამ მოთხოვნების შეუსრულებლობის გარეშე დაინტერესებულ მხარე მშენებლობის ნებართვას ვეღარ მიიღებს. გარდა ამისა, პროექტით გათვალისწინებული პირობის დაარღვევა 10 ათასი ლარით დაჯარიმებას ითვალისწინებს. ხეების რაოდენობა შესაბამისი ზონირების კოეფიციენტის მიხედვით განისაზღვრება,” – უთხრა “აჭარა თაიმსს” ბათუმის მერიის ადმინისტრაციის უფროსმა, ნუკრი დეკანაძემ.
ინფორმაციისთვის: ბათუმში, დღემდე მშენებლებს გამწვანების პროექტის წარდგენის ვალდებულება არ გააჩნდათ. ტერიტორიის გაწვანება კი ინვესტორის კეთილ ნებაზე იყო დამოკიდებული.
