კირნათის ადმინისტრაციულ ერთეულში შემავალი ექვსი სოფლის მოსახლეობა მაღალმთიანი დასახლების სტატუსის მინიჭებასა და „მთის კანონით“ გათვალისწინებული შეღავათებით სარგებლობას ითხოვს.
ადგილობრივების თქმით, ამ საკითხის მოგვარების მიზნით დაპირება არჩევნების წინ არაერთხელ მიიღეს, თუმცა, პრობლემა დღემდე გადაუჭრელია.
მოსახლეობამ პეტიცია შეადგინა და ხელმოწერების შეგროვება დაიწყო. ისინი ხელვაჩაურის მერიას მიმართავენ თხოვნით, „მთის განვითარების ეროვნულ საბჭოსთან“ შესაბამისი შუამდგომლობა დააყენოს.
მოსახლეობის ინფორმაციით, პეტიციის შედგენასა და შემდგომი პროცედურების ორგანიზებაში მათ პარტია „ძლიერი საქართველო – ლელო“ ეხმარება.
