ბათუმის მუნიციპალური ინსპექციის ინფორმაციით, პოლიციასთან ერთობლივად ჩატარებული მონიტორინგის ფარგლებში გამოვლინდა რამდენიმე მეწარმე სუბიექტი, რომლებიც პიროტექნიკურ ნაწარმს შესაბამისი ნებართვის გარეშე ახორციელებდნენ.
სამართალდარღვევის ფაქტებზე ინსპექციამ ადმინისტრაციული ღონისძიებები გაატარა – დამრღვევები დაჯარიმდნენ, ხოლო უნებართვო სარეალიზაციო პროდუქცია კონფისკაციას დაექვემდებარა.
მოქმედი კანონმდებლობის მიხედვით, პიროტექნიკური ნაწარმის იმპორტი, ექსპორტი, წარმოება ან რეალიზაცია შესაბამისი ნებართვის გარეშე 5 000 ლარით ჯარიმდება, სამართალდარღვევის საგნის კონფისკაციით ან მის გარეშე. ქმედების განმეორებით ჩადენის შემთხვევაში ჯარიმა 6 000 ლარს შეადგენს.
