შინაგან საქმეთა სამინისტროს ინფორმაციით, ჩატარებული ოპერატიულ-საგამოძიებო მოქმედებების შედეგად, პროსტიტუციისთვის ადგილის გადაცემის ბრალდებით, ჩინეთის მოქალაქე, 1988 წელს დაბადებული ს.ფ. ბათუმში დააკავეს.
გამოძიებით დადგინდა, რომ ბრალდებული ბათუმში მდებარე მასაჟის სალონში, სისტემატურად და განსაზღვრული თანხის სანაცვლოდ, პროსტიტუციაში ჩაბმულ ქალებს ფართს გადასცემდა.
ს.ფ. პოლიციამ მოსამართლის განჩინების საფუძველზე დააკავა. გამოძიება საქართველოს სისხლის სამართლის კოდექსის 254-ე მუხლით მიმდინარეობს, რაც პროსტიტუციისთვის ადგილის გადაცემას გულისხმობს და ოთხ წლამდე თავისუფლების აღკვეთას ითვალისწინებს.
თუ „აჭარა თაიმსის“ მასალებს იყენებთ, აუცილებელია წყაროსა და ბმულის მითითება. გთხოვთ, მასალის გადაბეჭდვის შემთხვევაში გაითვალისწინეთ ვალდებულება!
